派散水餅是離職last day不可缺少的環節，當然要花花心思！散水餅是對昔日並肩作戰同事的小小心意，更何況離職不代表永不相見，職場好細，他日可能再有機會再做同事，所以派散水餅都大有學問。以下分享啲派散水餅的實用Tips，幫大家派餅得體，結下職場好人緣！
Tips # 1 最緊要啱口味！
每個人口味都不同，不妨提早準備一下，閒談時順便了解同事鍾意咩味道，作出相應選擇！選擇散水餅時亦可選擇一些大眾化口味，如朱古力、雲呢嗱、水果口味等。如果同事是vegan或者有食物敏感，亦可考慮額外準備適合他們的散水餅，令同事感受到你的貼心。
Tips # 2 散水餅最緊要靚！
送出的散水餅除了要好食同啱口味，好睇都好緊要！外觀漂亮特別的散水餅是一份心思，影相靚之餘，可令人增加對你的好感和印象呢！
好餅推介：Jouer 精選cupcakes套裝
Tips # 3 細細件最方便
選擇散水餅時最理想當然就是一人一件，香港人注重健康，細細件的選擇就剛剛好，不會太膩，又避免食唔晒會浪費。
好餅推介：Jouer 精選迷你撻套裝
Tips # 4 最緊要夠數量！
除了同部門同事之外，記得要與其他部門你合作過的同事道別！另外，都唔好忘記平時幫助你的接待處同事、茶水間姨姨！比預期數量準備多小小，或者你都可以預備一些朱古力、小零食，避免出現不夠分配的尷尬情況。
Tips # 5 最緊要特別！
買散水餅最方便不外乎分店多的大眾化餅店，但就可能不夠特別。不妨找尋一些小店，帶來一些驚喜！其實，香港有不少小店都開始提供散水餅訂購服務，支持下香港小店之餘，亦可以俾同事試新嘢！
Tips # 6 最緊要可送貨！
唔想自己攞住三、四打散水餅，大汗淋漓、狠狽不堪咁返公司，然後發現公司雪櫃已經被塞爆，無位放你的散水餅？又或者last day可能會有好多事要hand over？挑選散水餅時記得揀間有快遞服務的商家就可以避免這些畫面，甚至指定特定時段送貨，就好Easy 啦！
Tips #7 最緊要時機！
散水餅的派發時間好講究，切忌午餐前後派發，餐前會影響同事胃口，午餐後同事又可能會吃不下。最理想的派發時間是下班前一至兩小時，係大家有個啱啱好有下午茶mood的時候，有件西餅點綴下這個小小的break。不過如果同事正在忙碌時，應等待他們完成手上的工作才派發，避免打擾他們工作。
Tips #8 最緊要啱次序！
派發散水餅的先後次序在職場有時也是一種學問，留意派發次序，面面俱到。先要派給你的頂頭上司，親自送進房間以表達謝意！其後就可以派給同部門或其他部門有合作過的同事，親自送上，這個時候也可以順便交換LinkedIn或其他social media聯絡方式方便日後再聯繫，職場很小，說不定這個小小舉動對你日後的工作有幫助。
Tips # 9 最緊要有手尾
食完散水餅後，包裝記得收拾乾淨，儘量避免麻煩到清潔姐姐，增加別人對你的好感。
離開原本的工作崗位，迎接一份新的工作，可能係你職業道路上一個值得慶祝的里程碑。Jouer 推出全新散水餅套裝，內外俱備，不但外觀美，而且味道創新，精緻美味的cupcakes同tarts 每件都是手工製作，絕對誠意十足，更能帶俾同事驚喜！另外Jouer亦有其他甜點和小食可作散水餅之用，供你參考選擇！
Jouer同你慶祝每一個重要的moment，希望令你的last day獨特難忘，留下美好印象給曾經奮鬥過的地方。